Almaty oblysynda 3230 adam koronavırýstan emdelip jatyr
Sonyń ishinde Taldyqorǵan qalasynda 163 jaǵdaı, Talǵar aýdanynda – 32, Panfılov aýdanynda – 21, Qarasaı aýdanynda – 20, Alakól aýdanynda – 19, Eńbekshiqazaq aýdanynda – 18, Jambyl aýdanynda – 17, Sarqan aýdanynda – 15, Eskeldi aýdanynda – 13, Tekeli qalasynda – 11, Іle aýdanynda – 9, Balqash jáne Uıǵyr aýdandarynda 8 jaǵdaıdan, Qaratal aýdanynda – 3, Kóksý aýdanynda 2 jaǵdaı tirkeldi.
Sondaı-aq 346 adam jazylyp shyqty. Óńir «qyzyl» aımaqta.
«31.08.2021 jylǵy jaǵdaı boıynsha óńirde 3230 adam statsıonarlyq em qabyldaýda. Bir táýlikte aýrýhanalarǵa 206 adam tústi. Óńirdiń aýrýhanalaryndaǵy tósek oryndar sany 6080. Tósek-oryn júktemesi – 53,1 %»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Sońǵy 3 kúnde 8156 adamnyń synamalary PTsR zerthanalarda tekserildi. Naýqastarmen qarym-qatynasta bolǵan 5 adam anyqtalyp, barlyǵy úı karantınine jáne medıtsına qyzmetkerleriniń baqylaýyna alyndy.
Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 670 733. Sonyń ishinde ótken kúni ekpe alǵandar sany – 2371. Ekpeniń 2-shi komponentin alǵandar sany – 546 148. Sonyń ishinde ótken kúni ekpe alǵandar sany – 2954.