Almaty oblysynda 32 jastaǵy erkek áıeliniń kóńildesin baltalap óltirdi
Almaty oblysy polıtsııa departamentiniń baspasóz qyzmeti taratqan málimetke sensek, Qaskeleńde polıtseıler 32 jastaǵy turǵyndy ustaǵan.
Ol áıeliniń kóńildesin óltirdi degen kúdikke ilindi. Qazirgi ýaqytta sezikti azamat qamaýǵa alynǵan.
Aýyr dene jáne mı jaraqatyn alǵan er adam aýrýhanaǵa jetkizilgen. Ol sol jerde esin jımastan kóz jumdy.
Marqum - 36 jastaǵy Almaty qalasynyń turǵyny.
«6 qarashada júrgizilgen jedel izdestirý sharalarynyń nátıjesinde 32 jastaǵy Almaty turǵyny ustaldy. Ol óz kinásin moıyndady. Óziniń aıtýynsha, marqumnyń týǵan kúninde ol jábirlenýshiniń áıelimen kóńildes bolǵanyn bilgen. Úıge kelgen soń ol áıelimen sóılesip, onyń moıyndaǵanyn vıdeokameraǵa túsirip alǵan. Sosyn marqumdy jasyryn bir jerge shaqyrǵan. Oǵan vıdeony kórsetip, moıyndaýyn talap etken. Sodan keıin ony baltalaı bastaǵan» delingen polıtsııa málimetinde.
Kúdikti 2014 jyly da ólimge alyp kelgen aýyr dene jaraqatyn salǵany úshin jazaǵa tartylǵan.
Kisi óltirgen qarý alynyp, aıǵaq retinde qylmystyq iske tirkelgen.
Qylmystyq kodekstiń 99-baby 1-bólimi boıynsha sotqa deıingi tergeý júrip jatyr.