Almaty oblysynda 32 adam tamaqpen ýlanyp aýrýhanaǵa tústi
ASTANA. Qarashanyń 16-sy. QazAqparat - Almaty oblysynda tamaqpen ýlaný dıagnozymen 32 adam aýrýhanaǵa jetkizildi,
dep habarlaıdy QazAqparat QR TJM-ǵa silteme jasap.
Málim bolǵandaı, qarashanyń 10-y kúni Uıǵyr aýdanynda aýdandyq aýrýhanaǵa «tamaqpen toksıkologııalyq ýlaný» dıagnozymen 32 adam jetkizilgen: Shonjy aýylynan - 10 adam, Úlken Aqsýdan - 15, Shoshanaıdan - 4 jáne Qyńǵysaıdan - 3 adam.
Baspasóz qyzmetiniń aqparatyna sáıkes "adamdar tort jep ýlanǵan".
Qazir naýqastardyń jaǵdaıy ortasha. Memlekettik sanıtarlyq-epıdemıologııalyq qadaǵalaý basqarmasy kúdikti ónimnen synama alyp, sanıtarlyq-mıkrobıologııalyq tekserý júrgizýde. Sanıtarlyq qadaǵalaý qyzmetteri aldyn alý is-sharalaryn ótkizip jatyr.
