Almaty oblysynda 300-den kóp oqýshysy bar mektepter onlaın oqıdy
TALDYQORǴAN. QazAqparat - Almaty oblysynda oqýshy orny 300-den joǵary mektepter onlaın oqıdy, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
«Mektep oqýshylary 17 qańtarǵa deıin demalysta. 17 qańtardan keıin 300 orynǵa deıingi mektepter shtattyq rejımde jumys isteıdi. Oqýshy orny 300-den joǵary mektepterde oqytý onlaın rejımde júrgiziledi»,- delingen vedomstvonyń Feısbýk paraqshasyna jarııalaǵan habarlamasynda.
Balabaqshalar 17 qańtarǵa deıin jumysyn ýaqytsha toqtatty. 17 qańtardan keıin ata-analardyń ótinishi boıynsha qyzmet kórsetedi.
Vedomstvonyń aqparatyna sáıkes, tómendegi nysandar kórsetilgen ýaqyt boıynsha jumys isteıdi.
Taldyqorǵan qalasynda iri jáne shaǵyn saýda oryndary men bazarlar, dárihanalar saǵat 09.00-den 20.00-ge deıin qyzmet kórsetedi. Ákimdiktiń baspasóz qyzmetiniń málimetinshe, halyqqa qajetti azyq-túlik, dári-dármek jetkilikti.
««Jedel járdem» qyzmeti úzdiksiz jumys istep tur.
Janar-jaǵar maı quıý beketteri ashyq. Ekinshi deńgeıli bankter iske kiristi. Bankomattarda qolma-qol aqsha jetkilikti.
Halyqqa qyzmet kórsetý ortalyqtary saǵat 9.00-den 18.00-ge deıin jumysqa kiristi«,- dep tolyqtyrdy atalǵan vedomstvonyń baspasóz qyzmetinen.
Aıta keteıik, Almaty oblysynda koronavırýs juqtyrǵandardyń sany ótken táýlikte kúrt ósti. 257 adamnan atalǵan indet anyqtaldy.
