Almaty oblysynda 300-den astam ıt pen mysyq ıeleri jazalandy
TALDYQORǴAN. QazAqparat - «Nóldik tózimdilik» sharasynyń jeti kúninde polıtsııa qyzmetkerleri 12 mln. teńgeden astam aıyppul saldy.
«Sharanyń alǵashqy 7 kúninde 3660 ákimshilik quqyqbuzýshylyq anyqtaldy. Qoǵamdyq oryndarda temeki shekkeni úshin 365 adam ákimshilik jaýapkershilikke tartyldy, abattandyrý erejesin buzǵandarǵa qatysty 809 ákimshilik hattama toltyrylyp, ıt pen mysyqty ustaý jáne olardy dalaǵa shyǵarý erejesin buzǵandary úshin 312 úı janýarynyń ıesi jaýapkershilikke tartyldy.
Sonymen qatar buzaqylyqtyń 111 faktisi men ózge de quqyq buzýshylyqtar anyqtaldy», - dedi Almaty oblystyq ІІD ákimshilik polıtsııa basqarmasy bóliminiń bastyǵy Meıirjan Andabaev.
Atalǵan shara 7 shildede bastaldy jáne 25 shildege deıin jalǵasady.
