Almaty oblysynda 300-den asa nysan «Ashyq»-pen jumys isteýge kóshti
Onyń aıtýynsha, «Ashyq» jobasy aldymen Taldyqorǵanda, keıin oblystyń barlyq aýdandary men qalalaryndaǵy nysandarǵa engizilgen.
«Qazir «Ashyq« jobasy boıynsha qoǵamdyq tamaqtaný nysandary ǵana emes, sonymen qatar mádenıet, qonaqúı, saýna men monsha, fıtnes-ortalyqtar, kompıýterlik klýbtar jumys isteıdi. Jobaǵa qatysýshy nysandar demalys kúnderi barlyq sanıtarlyq normalardy saqtaı otyryp jumystaryn jalǵastyrýda. Atap ótý kerek, oǵan qatysý erikti túrde júrgiziledi. Suraqtar týyndaǵan jaǵdaıda bizdiń mamandar keńes berip, ótinim berýge kómektesýge daıyn. Sondaı-aq messendjerlerde talqylaý jáne tehnıkalyq suraqtardy sheshý úshin arnaıy chattar qurylǵan», - dedi Almaty oblysy Kásipkerler palatasynyń dırektory Áset Shaıahmetov.
Sonymen qatar, búgingi kúni belgilengen sanıtarlyq normalardy buzǵan bir kásipkerlik nysan «Ashyq» jobasynan shettetilýi múmkin.
«Monıtorıng jumystary barysynda kásipkerler arasynda talaptardy saqtamaǵandar da anyqtaldy. Máselen, «Apriori« meıramhana kesheninde 15 adamǵa arnalǵan aýyzashar ótkizý faktisi anyqtaldy. Nysan «Ashyq «jobasynyń qatysýshysy jáne búginde meıramhana keshenin jobadan 2 aptaǵa alyp tastaý týraly másele kóterilýde. Buzýshylyq qaıta anyqtalǵan jaǵdaıda nysan 2 aıǵa shettetiledi», - dedi Taldyqorǵan qalasy boıynsha Sanıtarlyq-epıdemıologııalyq baqylaý basqarmasy basshysynyń orynbasary Sáken Meldebaev.
Aıta keteıik, Almaty oblysy boıynsha «Ashyq» jobasyna qatysýshylardyń tizimi óńirlik ákimdikterdiń saıtynda jarııalanǵan.
Almaty oblysynyń kásipkerler palatasy bıznes-qaýymdastyqpen túsindirý jumystaryn jalǵastyrýda jáne jobaǵa qatysýǵa nıet bildirýshilerdiń tizimin jasaqtap jatyr.
«Ashyq» qosymshasyna qatysty barlyq suraqtar boıynsha «Atameken» ÓKP-ǵa kelesi telefon nómirleri boıynsha habarlasýǵa bolady: + 7 775 594 5977; +7 775 894 6061.
