Almaty oblysynda 30 jýyq baladan qulaq múkistigi anyqtalǵan
Kópsalaly oblystyq balalar aýrýhanasynda Taldyqorǵannan alys ornalasqan aýdannnyń kishkentaı turǵyndaryna aıyna bir ret shtattan tys sýrdolog mamannyń qatysýymen tekserý jasalady. Jyl basynan beri sýrdolog mamannyń tekserýinen ótken 57 balanyń 29-ynan qulaq múkistigi anyqtalǵan.
Atalǵan aýrýhana dırektory Arman Toıbekovtiń aıtýynsha, balalar konsýltatsııalyq-dıagnostıkalyq jáne aspaptyq dıagnostıkalyq tekserýden (KSVP, OEA, tımponometrııa, ASSR) ótedi.
«2022 jyldyń qańtar aıynan bastap aýrýhanada sýrdologııa bólimshesi ashyldy. Qazirgi ýaqytta balalar aıyna bir ret beıindi mamannyń tekserýinen ótýge múmkindigi bar. Jyl basynan beri tekserýden ótken 57 balanyń jartysynan qulaq múkistigi anyqtaldy. Biz bul balalardy ary qaraı tolyqqandy tekserýden ótkizip, emdelýge jiberemiz. Alaıda balalar arasynda qulaq múkistigi aýrýynyń beleń alýy bizdi alańdatyp otyr», - deıdi aýrýhana dırektory Arman Serikbaıuly.
Aıta ketý kerek, oblys ortalyǵynan alys ornalasqan aýdan turǵyndary úshin aıyna bir ret uıymdastyrylyp otyrǵan konsýltatsııalyq-dıagnostıkalyq jáne aspaptyq dıagnostıkalyq tekserý balalarǵa aýdıologııalyq skrınıngti júzege asyrý boıynsha Jol kartasy sheńberinde ótkizilip otyr.
Qulaq múkistigi - bul estý fýnktsııasynyń birtindep tómendeýi, ol sóıleý jáne aınaladaǵy dybystardy qabyldaýdyń buzylýymen sıpattalady. Bul tek qartaıǵanda ǵana emes, sonymen qatar, jastarda da paıda bolýy múmkin. Mehanıkalyq qulaq múkistigi kúkirt tyǵynynyń qatysýymen damýy múmkin. Bul jaǵdaıda másele ońaı jáne tez sheshiledi. Sondaı-aq, estý qabiletiniń joǵalýy (sensorlyq) basqa aýrýlardyń, jasqa baılanysty ózgeristerdiń, óndiristik faktorlardyń jáne basqalardyń nátıjesinde estý nerviniń zaqymdanýynan týyndaıdy. Mundaı patologııa keshendi emdi qajet etedi.