Almaty oblysynda 30 jastaǵy er adam anasynyń altynyn urlap, lombardqa ótkizgen
TALDYQORǴAN.QazAqparat - Almaty oblysynda 30 jastaǵy er adam týǵan anasynyń altynyn urlap, lombardqa ótkizip jibergen. Alǵan qarajatty óz qajetine jumsaǵan, - dep habarlaıdy QazAqparat tilshisi.
Almaty oblystyq polıtsııa departamentindegi baspasóz qyzmetiniń málimetinshe, 12 maýsym kúni Eńbekshiqazaq aýdandyq Polıtsııa basqarmasyna Shelek aýylynyń 59 jastaǵy turǵyny aryzdanǵan. Ol úıde turǵan ámııannyń ishinen altyn saqınasynyń joǵalǵanyna shaǵymdanǵan.
Tergeý barysynda áıel adam ulynan lombardqa ótkizilgen altynnyń túbirtegin taýyp aldy.
Polıtseıler 30 jastaǵy er adam anasynyń altynyn urlaǵanyn anyqtady. Ustalǵan kúdikti kinásin moıyndaǵan. Sózinshe ol baǵaly zatty lombardqa ótkizip, aqshasyn óz qajetine jumsaǵan. Altyndy qandaı lombardtyń satyp alǵany anyqtalmady. Bul fakti QR QK 188-baby 1-bóligi, ıaǵnı, «Urlyq» boıynsha tirkelip, kúdikti eshqaıda ketpeý qolhatymen jiberildi.
