Almaty oblysynda 30 myńnan astam turǵyny bar aýylǵa gaz tartyldy
TALDYQORǴAN. QazAqparat - Almaty oblysynyń Eńbekshiqazaq aýdanyndaǵy Shelek aýylyna gaz tartyldy. Turǵyndary kópten kútken qýanyshtarymen oblys ákiminiń orynbasary Aıdarbek Baıjanov quttyqtaýǵa arnaıy keldi, dep habarlaıdy QazAqparat tilshisi.
Bul Eńbekshiqazaq aýdanynda iske qosylǵan ekinshi avtomatty gaz taratý stansasy. Qýattylyǵy saǵatyna 50 myń tekshe metr. ıAǵnı bir mezette 40 kóppáterli, 6 600 jeke úı men 120 óndiristi gazben qamtı alady. Aıta ketý kerek, Shelek aýyly Eńbekshiqazaq aýdanynyń eń iri eldi mekeni. Mundaǵy halyq sany 30 myńnan asady.
«Endi men kómir jaǵyp, kúl shyǵarmaımyn. Gaz jaqqanda úı de taza bolady. Kompanııa kómegimen 2 aptada qujattardy retke keltirip, 350 myń teńgege qostyrdyq. Tólemin jeńildetilgen naýqan boıynsha aıma aı 1 jyl ishinde tólep qutylamyz», - deıdi aýyl turǵyny Tatıana Ippatıkova.
Sondaı-aq, bul kúni osy aýdandaǵa qarasty Baıseıit aýylynda 100 oryndyq balabaqsha ashyldy. Kólemi 330 sharshy metr bolatyn jańa nysan memlekettik-jekeshelik seriktestik aıasynda júzege asty. Jeke kásipker Muhıt Qasenov 20 mln teńgege ǵımaratty talapqa saı etip jasap berdi. Qazir munda 6 top bar. Olar balabaqshada oı-órisin damytyp qana qoımaıdy, ónerlerin shyńdaıdy.
