Almaty oblysynda 30 myń turǵyny bar aýylda sý tarıfi 50 paıyz tómendetildi - prokýratýra

ASTANA. QazAqparat - Almaty oblysynyń prokýratýrasy sý tarıfiniń 50 paıyzdan astam tómendeýine qol jetkizdi, dep habarlaıdy QazAqparat atalǵan vedomstvonyń baspasóz qyzmetine silteme jasap.

Almaty oblysynyń prokýratýrasy monopolııaǵa qarsy zańnamany qoldaný aıasyndaǵy taldaý nátıjeleri boıynsha tabıǵı monopolııa sýbektisi bolyp tabylatyn «BeyazhTrans» JShS-gi ákimshilik-aýmaqtyq birliktiń geografııalyq shekarasyn buza otyryp, biryńǵaı tarıf arqyly Almaty oblysynyń eki aýdanyndaǵy 9 aýyldyq okrýginiń (Jambyl aýdany – 1 okrýg, Qarasaı aýdany – 8 okrýg) halqyn sýmen jabdyqtaý boıynsha is-sharalar júrgizgeni anyqtaldy.

Sonymen qatar, eki aýdannyń halqyn sýmen qamtamasyz etý úshin ártúrli sý kózderi paıdalanylǵan.

Jambyl aýdany prokýratýrasynyń qadaǵalaý aktisimen Jambyl aýdany Qarǵaly aýylynyń túrǵyndaryn sýmen jabdyqtaý tarıfy 50%-dan astam mólsherge, ıaǵnı 41,73 teńge/m3-den 26,23 teńge/m3-ge deıin tómendetildi.

Nátıjesinde, Jambyl aýdany Qarǵaly aýylynyń 30 myńnan astam turǵyndarynyń quqyqtary qorǵaldy.

Sonymen qatar, Talǵar aýdanynyń prokýratýrasymen aýdan prokýratýrasymen «Talǵar Sý» ShJQ MKK qyzmetinde belgilengen sý tarıfiniń saqtalýyna taldaý júrgizildi.

Nátıjeleri boıynsha, Talǵar qalasy, Besqaınar aýyly, Qotyrbulaq, Qyzyl-Qaırat aýyldary sý tarıfiniń smetalyq qunyna «Talǵar Sý» ShJQ MKK teńgeriminde turmaıtyn kanaldy tazartý boıynsha shyǵyny negizsiz engizilgeni anyqtaldy.

Atalǵan buzýshylyqtar boıynsha prokýrorlyq qadaǵalaý aktisi engizildi, nátıjesinde tarıf kýb úshin 5 teńgege tómendetilip, 65000 azamattardyń quqyqtary qorǵaldy.