Almaty oblysynda 3 jylyjaı órtenip ketti
NUR-SULTAN. QazAqparat - Almaty oblysynda úsh jylyjaı órtenip ketti. Bul jaıynda QR ІІM Tótenshe jaǵdaılar komıtetiniń resmı ókili Nursultan Nurahmet aıtty, dep habarlaıdy QazAqparat tilshisi.
Onyń aıtýynsha, búgin saǵat 15-14-te órtke qarsy qyzmettińpýltine Almaty oblysynyń Eńbekshiqazaq aýdanyna qarasty Báıterek aýyldyq okrýginde qurǵaq shóptiń órtenip jatqany týraly habarlama túsken.
«Jeldiń kúsheıýi saldarynan órt kókónis ósiretin jylyjaıdy sharpyǵan. Órtten úsh jylyjaıdyń da janatyn qurylymy janyp ketip, taǵy úsh jylyjaıdyń qurylymy jartylaı búlindi. Órt sharpyǵan aýmaq 1920 sharshy metrdi qurady. Sonymen qatar 6 gektar jerdiń shóp jandy», - dedi resmı ókil.
N.Nurahmettiń dereginshe, órtti sóndirýge Almaty oblystyq TJD jeke quramynyń 7 mamany 1 tehnıkasy jumyldyrylǵan. Zardap shekkender men qaza tapqandar joq.
