Almaty oblysynda 3 jasar qyzdy urlaǵan adam 15 jylǵa sottalýy múmkin
ALMATY.QazAqparat - Almaty oblysynda 3 jasar qyzdy urlaǵan kúdikti óz áreketin túsindire almady, dep habarlaıdy QazAqparat tilshisi
«Ol bul qylmysqa nelikten barǵanyn aıtpady. Naqty qandaı maqsaty bolǵany ázirshe beımálim. Polıtsııa qyzmetkerleri birneshe ret jaýap aldy. Onyń aıtýynsha, oqıǵa bolǵan kúni ishimdikke toıyp alǵan. Endi nege mundaıǵa barǵanyn esine túsire almaı otyr. Áıtse de onyń aram oıy bolmaǵany logıkaǵa sımaıdy. Bul árıne bizdiń boljam ǵana. Adam urlyǵy bolǵan anyq, biraq kedergilerge baılanysty oıyn júzege asyra almaǵan bolýy kerek», - dedi Almaty oblystyq ІІD-niń baspasóz qyzmetiniń basshysy Sergeı Neznaev.
Onyń aıtýynsha, ustalǵan adam zań boıynsha eshteńe aıtpaýǵa, tipti úndemeýge quqyly. Biraq jasaǵan qylmysyna qaraı QR QK-niń 125-baby 2-tarmaǵy na sáıkes «Adam urlaý» boıynsha jaýapqa tartylady.
Aıta ketý kerek, atalǵan zań boıynsha qylmysker 10-nan 15 jylǵa deıin bas bostandyǵynan aıyrylady.
Eske sala ketsek, 1 tamyz kúni Almaty oblysynda meshit janynan belgisiz bireý 3 jasar qyzdy urlap ketken bolatyn.
