Almaty oblysynda 3 jasar qyz balany urlaý oqıǵasyna qatysty tergeý bastaldy
TALDYQORǴAN. QazAqparat - Almaty oblysynda meshit mańynan 3 jastaǵy qyzdy urlap ketken 56 jastaǵy kúdiktiniń ústinen qylmystyq is qozǵalyp, sot-aldy tergeý bastaldy, dep habarlaıdy QazAqparat tilshisi.
«Atalǵan fakti boıynsha QR QK-niń «Adam urlaý» ıaǵnı, 125-babynyń 2-bóligi boıynsha is qozǵalyp, tergeý júrip jatyr. Oqıǵanyń jaı-japsary tergeý qupııalyǵyna baılanysty jarııa etilmeıdi», - dep málim etti oblystyq ІІD-niń baspasóz qyzmeti.
Esterińizge sala keteıik, Іle aýdanynyń Baıserke aýylynda 3 jasar qyz bala ákesimen meshitke kelip, artynsha búldirshindi belgisiz bireý urlap ketkenin habarlaǵan bolatynbyz. Polıtsııa qyzmetkerleri kúdiktiniń jarty saǵatta ustalǵany jóninde aqparat tarattty.
