Almaty oblysynda 3 jasar bala káriz qudyǵyna qulap, kóz jumdy

ASTANA. QazAqparat - Qaıǵyly oqıǵa Qyrbaltabaı aýylynda balabaqsha aýmaǵynda boldy. Sábı ashyq turǵan káriz qudyǵyna qulap ketti, dep habarlaıdy QazAqparat.

«13 qyrkúıek kúni saǵat 13:08 shamasynda Eńbekshiqazaq aýdanynyń polıtsııa bólimine Qyrbaltabaı aýylyndaǵy balabaqsha aýmaǵynda ashyq turǵan káriz qudyǵyna qulap ketken 3 jasar bala aýyldyq aýrýhanada qaıtys bolǵany týraly habarlama kelip tústi. Atalǵan fakt polıtsııada «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baby boıynsha tirkeldi», - dep habarlady oblystyq polıtsııa departamentiniń basshysy Baýyrjan Álenov.

Qazirgi ýaqytta oqıǵanyń barlyq mán-jaıyn tolyq, obektıvti jáne jan-jaqty zertteý úshin qajetti tergeý amaldary júrgizilýde.
B.Álenov tergeý barysyn óz baqylaýyna alǵanyn atap ótti.