Almaty oblysynda 3 kúnde 1500-den astam adam jaýapqa tartyldy
TALDYQORǴAN. QazAqparat - Almaty oblysynda «Qaýipsiz jol» respýblıkalyq sharasy uıymdastyryldy. 3 kúnde jol erejelerin buzǵan 1,5 myńnan astam júrgizýshi men jaıaý júrginshi jaýapqa tartyldy, dep habarlaıdy QazAqparat tilshisi.
Eń kóp ereje buzǵan qaýipsizdik beldigin taqpaǵan júrgizýshiler bolyp shyqty. 300-den astam kólik ıelerine aıyppul salyndy. 142 júrgizýshi jyldamdyqty asyrsa, 268-i kólikti júrgizip kele jatqan kezinde telefon qoldanǵany úshin aıyppul tólegen. Sondaı-aq 177 jaıaý júrginshi de ákimshilik jaýapkershilikke tartyldy. Al 43 júrgizýshi temir tulparyn alkogoldik ishimdik iship zyrǵytsa, 34 adamnyń júrgizýshi qujatynsyz rýlge otyrǵany anyqtaldy. Tártip saqshylarynyń mundaı reıdtik sharalardy uıymdastyrýdaǵy basty maqsat júrgizýshiler tártibin pysyqtap, jol-kólik oqıǵalarynyń aldyn alý.
Foto: egemen.kz
