Almaty oblysynda 3 aı habar-osharsyz ketken jigit tabyldy
TALDYQORǴAN. QazAqparat- Almaty oblysynyń polıtseıleri 3 aı izdeýde bolǵan 33 jastaǵy jigittiń mekenjaıyn anyqtady, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe,
2020 jyldyń qazan aıynda 1988 jyly týǵan Aqsý aýdanynyń turǵyny úıinen shyǵyp, belgisiz baǵytta ketip qalǵany týraly aqparat túsken. Aǵasynyń habar-osharsyz ketkenine alańdaǵan Taldyqorǵan qalasynda turatyn qaryndasy jergilikti polıtseılerdiń kómegine júgingen.
«Aqparat alǵan soń birden izdeý jumystaryn bastadyq. Tártip boıynsha ártúrli nusqany qarastyrdyq. Tájirıbeli mamandar oń nátıjege qol jetkizip, 7 qańtarda izdeý jarııalanǵan jigit Sarqan aýdanynan tabyldy. Jigittiń týystaryna habar berildi. Endi onyń nege habarsyz ketkenin jáne osy ýaqyt aralyǵynda qandaı jaǵdaıda ómir súrgeni anyqtalatyn bolady»,- dedi Aqsý aýdany Polıtsııa bóliminiń bastyǵy polıtsııa podpolkovnıgi Ádilmurat Baızolda.
