Almaty oblysynda 3 adamnyń ómirin jalmaǵan dala órti aýyzdyqtaldy
TALDYQORǴAN. QazAqparat - Almaty oblysynda 3 adam qaza taýyp, 7 adam jaraqat alǵan dala órti aýyzdyqtaldy. Tilsiz jaýmen kúresýge 3 tikushaq jumyldyryldy, dep habarlaıdy QazAqparat tilshisi.
10 kúnge jalǵasqan dala órtimen kúresýge Jarkent orman sharýashylyǵy, «Qazavıaormanqorǵaý», «Qazavıaqutqarý» qyzmetteriniń jáne Almaty oblystyq TJD qyzmetkerleri qatysty.
«Panfılov aýdany aýmaǵyndaǵy Órkensaı, Kúıeli, Qoıtas ýchaskelerinde qyzyl jalyn sharpyǵan aýmaq shamamen 455 gektardy quraǵan. Sondaı-aq memlekettik orman qory aýmaǵyndaǵy órttiń aýmaǵy 17 gektarǵa jetken. Tilsiz jaýmen kúresýge kúndelikti 50 shaqty adam qatysyp otyrǵan. Órtti sóndirýge tikushaqtarmen 84 ret áýeden sý tógildi», - delingen Almaty oblystyq TJD baspasóz qyzmeti taratqan aqparatta.
13 tamyz kúni 11 saǵat 15 mınýtta órt tolyǵymen aýyzdyqtaldy. Almaty oblystyq tótenshe jaǵdaılar departamentiniń baspasóz qyzmetiniń málimetinshe, Jarkent orman sharýashylyǵy qyzmetkerleri tarapynan órt bolǵan aýmaqta kezekshilik uıymdastyrylýda.
