Almaty oblysynda 3 adam óltirdi degen kúdikpen 25 jastaǵy azamat ustaldy
ASTANA. 1 qarasha. QazAqparat - Almaty oblysynda Kerbulaq aýdanynyń Basshy eldi mekeninde bolǵan 3 adamnyń ólimine qatysty qymys ashyldy.
QR ІІM málimetterine qaraǵanda, qazan aıynyń sońynda órtengen úıdiń oty sóndirilgen soń, úıdiń ishinen denesiniń birneshe jerine soqqy salynǵan jáne ot qarýynan jaraqat alǵan 57 jastaǵy jubaılardyń jáne 34 jastaǵy baýyrynyń janyp ketken máıitteri tabyldy.
Jedel izdestirý sharalarynyń barysynda paıdakúnemdiktiń saldarynan qylmys jasaǵan 25 jastaǵy jergilikti turǵyn ustaldy.
«Kúdikti iri kólemdegi aqsha urlaý maqsatynda atalǵan úı ıesiniń baýyrynyń ǵana bolatynyn aldyn-ala bilip, jábirlenýshilerdiń úıine keldi. Úı ıeleriniń úıde ekenin kórgen kúdikti bárin óltirýge bel baılady. Birinshi ol úı ıesi men baýyryn ózimen birge ákelgen kishi kalıbrli qarýymen atyp, sosyn áıelin ólgenshe uryp tastady. Aqsha tappaǵan qaskúnem qylmystyń izin jasyrý maqsatynda jábirlenýshilerdiń máıitin órtep jiberdi»,-delingen bul málimetterde.
Belgili bolǵandaı, bul qylmysqa qatysty zattaı dálel tárkilendi. Ustalǵan kúdikti ýaqytsha qamaý abaqtysyna qamaýǵa alyndy. Qazaqstan Respýblıkasy Qylmystyq Kodeksiniń 96-babynyń 2-tarmaǵyna sáıkes qylmystyq is qozǵaldy.
