Almaty oblysynda 3,6 myń júkti áıel koronavırýsqa qarsy vaktsına aldy

TALDYQORǴAN. QazAqparat - Almaty oblysynda 12 jastan asqan turǵyndardy koronovırýs ınfektsııasyna qarsy vaktsınalaý jalǵasýda, dep habarlaıdy QazAqparat tilshisi.

«Aǵymdaǵy jyldyń 9 aqpanyndaǵy jaǵdaıy boıynsha oblysta birinshi komponentpen 1 048 360 adam egildi. Onyń ishinde 12 jastan 17 jasqa deıingi jasóspirimder – 72292, júkti áıelder – 3602 jáne laktatsııa kezeńindegi áıelder – 12481», - delingen Almaty oblystyq Sanıtarııalyq-epıdemıologııalyq baqylaý departamentiniń baspasóz qyzmeti taratqan málimette.

Vedomstvonyń aqparatyna sáıkes, 178 325 adam revaktsınatsııa kýrsynan ótti.

Oblysta koronavırýs ınfektsııasyna qarsy vaktsınatsııa júrgizý úshin 318 egý kabıneti ashyldy. 76 jyljymaly pýnkt jumyldyryldy.

Qazirgi ýaqytta oblysta «Pfizer» kompanııasynyń «Komırnatı», sondaı-aq «Sinopharm Vero Cell», «Qaz Covid-in», «Gam-KOVID-VAK (»Spýtnık V«) preparattary qoldanylýda.

»Vaktsınatsııaǵa ruqsat alý úshin tirkelgen jerińiz boıynsha ózińizdiń ýchaskelik dárigerge júginý qajet. Nemese eGov.kz portalynda, bolmasa eGov mobile qosymshasy arqyly elektrondyq ótinimdi jiberý arqyly aldyn ala ótinish qaldyrýǵa bolady. Jasóspirimderge vaktsınatsııa ata-anasynyń nemese zańdy ókilderiniń aqparattandyrylǵan kelisimimen júrgiziledi.

Vaktsınatsııa-pandemııany toqtatýdyń jalǵyz tıimdi ádisi«, - dep tolyqtyrdy atalǵan vedomstvonyń baspasóz qyzmetinen.