Almaty oblysynda 3,6 mln teńge para alǵan ákim 6 jylǵa sottaldy

TALDYQORǴAN.QazAqparat - Almaty oblysy Іle aýdany Aşybulaq aýyldyq okrýginiń ákimi jer telimderin berý kezinde para alǵany úshin sottaldy, dep habarlaıdy «QazAqparat» HAA Qazaqstan Respýblıkasynyń Sybaılas jemqorlyqqa qarsy is-qımyl agenttigine silteme jasaı otyryp.

«Qazaqstan Respýblıkasy Sybaılas jemqorlyqqa qarsy is - qımyl agenttiginiń Almaty oblysy boıynsha departamenti Іle aýdany Aşybulaq aýyldyq okrýginiń ákimi S. Kúzembaevqa qatysty sotqa deıingi tergeýdi aıaqtady», - delingen habarlamada.

S. Kúzembaev aýdan aýmaǵynda ornalasqan 4 jer telimin usynǵany úshin 3,6 mln teńge kóleminde para alǵan. Aǵymdaǵy jyldyń 31 shildesinde Іle aýdandyq sotynyń úkimimen S. Kúzembaev 6 jylǵa bas bostandyǵynan aıyryldy. Eks-ákim jazasyn qaýipsizdik deńgeıi tómen túzeý mekemesinde óteıtin bolady. Sottalǵan adam ómir boıy memlekettik qyzmette qyzmet atqarý quqyǵynan aıyryldy.