Almaty oblysynda 293 turǵyn úı bar eldi mekendi sý basý qaýpi joıyldy

QONAEV. QazAqparat – Almaty oblysynyń Jıdeli aýyldyq okrýginde sý tasqynyna qarsy is-sharalar júrgizý jumystary jalǵasyp jatyr. Qazirgi ýaqytta sý basý qaýpi joıyldy, dep habarlaıdy QazAqparat Tótenshe jaǵdaılar mınıstrligi saıtyna silteme jasap.

Almaty oblysy TJD, jergilikti atqarýshy organdar jáne merdiger uıym úıindi bóget salý jáne sýarý arnasyn mehanıkalandyrylǵan tásilmen tazartý jumystaryn júrgizip jatyr. Búgingi tańda 45 tonnaǵa jýyq ınertti materıal tóselgen, sý júrý qaýpi joq.

Osy jumystarǵa TJD, jergilikti atqarýshy organdar men merdiger uıymnyń 25 qyzmetkeri men 7 tehnıkasy jumyldyryldy.

Almaty oblysy TJD baspasóz qyzmetiniń málimetinshe, 1 aqpandaǵy sholý kezinde Balqash aýdany Jıdeli aýyldyq okrýgi aýmaǵyndaǵy Báımeneı aǵynynyń Balqash kóline quıatyn jerinde muz keptelip qalǵan. Kanaldyń eni – 5-6 metr, tereńdigi – 4 metr, sý aǵyny – sekýndyna 0,4 tekshe metr. Sonyń saldarynan Baımeneı ózeninen bólinetin sýarý kanalynda sý deńgeıi kóterilip, Jıdeli aýyldyq okrýgin sý basý qaýpi týyndady. Atalǵan aýyldyq okrýgte 293 jeke turǵyn úı bar, onda 1 330 turǵyn turady.

Foto: QR TJM baspasóz qyzmeti