Almaty oblysynda 29 adamnan koronavırýs anyqtaldy
TALDYQORǴAN. QazAqparat- Sońǵy táýlikte Almaty oblysynda 29 adamnan koronavırýs anyqtaldy. Onyń ishinde eki oqýshy aýrýdy juqtyrǵan, - dep habarlaıdy QazAqparat tilshisi.
29 jaǵdaıdyń 5-ýi 14 jasqa deıingi balalar. Onyń ishinde 2 oqýshydan vırýs anyqtaldy.
13 maýsymda oblys óńirleri arasynda KVI-men syrqattanýshylyǵy Aqsý – 1, Alakól – 1, Eńbekshiqazaq – 3, Eskeldi – 2, Jambyl – 3, Sarqan – 2, Talǵar – 9, Uıǵyr – 2, Kegen aýdandarynda – 1, Taldyqorǵan qalasynda 5 jaǵdaı tirkeldi.
«Sońǵy táýlikte statsıonardan 22 patsıent emdelip shyqty. 21 adam úıden oqshaýlaýdan shyǵaryldy»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Jalpy Almaty oblysynda 14 maýsymǵa deıin 25 697 naýqas koronavırýstan jazylyp shyqty.
Oblys boıynsha KVI ósý qarqyny sońǵy 2 aptany salystyrý kezinde bir deńgeıde - 0,2%. Sońǵy aptada ósýdiń eń joǵary qarqyny Balqash - 0,3%, Qaratal - 0,3%, Sarqan - 0,6% aýdandarynda jáne Taldyqorǵan qalasynda - 0,3% baıqalady.
Sońǵy táýlikte KVI 29 jaǵdaıy tirkeldi, ósý qarqyny – 0,1%, onyń ishinde 14 sımptomdyq (48,3%) jáne 15 sımptomsyz (51,7%) jaǵdaı.
