Almaty oblysynda 28 jastaǵy jigit boıjetken qyzdy óltirip, denesin órtep jibergen
TALDYQORǴAN. QazAqparat - Almaty oblysynda boıjetkendi aıýandyqpen óltirgen kúdikti ustaldy, dep habarlaıdy QazAqparat tilshisi.
Ustalǵan azamattyń aıtýynsha, ol 20 tamyz kúni jol boıyndaǵy boıjetkenge sebepsiz shabýyl jasaǵan. Ony qylqyndyryp, aryqtaǵy sýǵa batyrǵan, odan keıin órtep jibergen. Kúdikti ýaqytsha ustaý ızolıatoryna qamaqqa alyndy.
Esterińizge sala keteıik, 21 tamyz kúni saǵat 16.00-de Eńbekshiqazaq aýdanyndaǵy Órnek aýylynyń mańynda 21 jastaǵy qyzdyń máıiti tabylǵan bolatyn. Qyzdyń máıitinde aıýandyqpen qınap óltirý belgileri bolǵan. Bul derek boıynsha QR Qylmystyq kodeksiniń adam óltirý (99-baby 1-bóligine) babyna sáıkes sotqa deıingi tergeý amaldary bastaldy.
«Jedel izdestirý nátıjesinde eki táýlik ishinde adam ólimine qatysty qylmys áshkere boldy. Kisi óltirdi degen kúdikpen sol aýyldyń 28 jastaǵy turǵyny ustaldy. Buryn kisi tonaǵany úshin qylmystyq jaýapkershilikke tartylǵan jáne qazir esh jerde jumys istemeıtin kúdikti óziniń kinásin tolyǵymen moıyndap, qylmystyń mán-jaıyn egjeı-tegjeıli sıpattap berdi»,- dep habarlady Almaty oblysy Polıtsııa departamenti bastyǵynyń orynbasary, polıtsııa podpolkovnıgi Danııar Meńdebaev.
