Almaty oblysynda 26 myńnan asa jasóspirim Pfizer vaktsınasyn aldy
Almaty oblysyna 380 250 doza Pfizer vaktsınasy keldi. Bul ekpe jasóspirimderge, bala emizetin analarǵa jáne júktilik kezindegi áıel adamdarǵa arnalǵan.
Óńirde jalpy 225 810 adam vaktsına alýǵa tıis.
Onyń ishinde 12-17 jas aralyǵyndaǵy jasóspirimder - 147 000, júkti áıelder - 34 510, laktatsııa kezeńindegi áıelder - 44 300.
«Búgingi tańda atalǵan vaktsınasynyń birinshi komponentin 33 295 adam aldy. Onyń ishinde 12 - den 17 jasqa deıingi 26 369 jasóspirim, laktatsııa kezindegi 4830 áıel jáne júktilik kezindegi 2096 adam bar»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, vaktsınanyń ekinshi komponentin 3521 adam aldy.
Olardyń ishinde 2872 jasóspirim, laktatsııa kezinde 506 ana jáne 143 júkti áıel bar.
