Almaty oblysynda 26 mln teńgege spırt satpaq bolǵandar ustaldy
TALDYQORǴAN. QazAqparat - Almaty oblysynyń Qarasaı aýdanynda 20 tonna spırtti zańsyz satpaq bolǵandar ustaldy, dep habarlaıdy QazAqparat tilshisi.
«QR QM Qarjy monıtorıngi komıtetiniń Almaty oblysy boıynsha Ekonomıkalyq tergeý departamenti qyzmetkerleri jedel-izdestirý is-sharalaryn júrgizý barysynda Almaty oblysy aýmaǵynda iri kólemdegi etıl spırtin saqtaý jáne ruqsat qujattarsyz ótkizý faktisin anyqtady.
Kúdiktiler 20 tonna spırtti 26 mln teńgege satýǵa tyrysqan.
Atalǵan fakti boıynsha tergeý bastaldy. Qazirgi tańda qajetti saraptamalar júrgizilýde»,- dedi oblystyq Ekonomıkalyq tergeý departamenti baspasóz qyzmetiniń ókili Aınur Ydrysova.
