Almaty oblysynda 250 otbasy 2 aıdan beri jaryqsyz ári sýsyz otyr
Almaty oblysynyń Іle aýdanyna qarasty Ótegen batyr aýyly turǵyndarynyń aıtýynsha, daýdyń basy kommýnaldyq tólemnen bastalǵan. Baý-baqsha sharýashylyǵynyń burynǵy tóraǵasy basshylyq qyzmeti kezinde aqsha jymqyryp, qaryzǵa batqan desedi.
«Buǵan deıin Vıktor Ivanovıch «Gýdok» baý-baqsha sharýashylyǵynda tóraǵalyq qyzmetin atqaryp, aýyl turǵyndaryn qaryzǵa belsheden batyrdy. 2010 jyly oǵan qaryzdy qaıtarý týraly sot sheshimi shyqty. 247 úıden elektr energııasyna dep aqsha alyp, túbirtek berip sendirgen ol jınalǵan somany Talǵar aýdandyq elektr júıesine túgel tapsyrmaǵan. Osylaısha 3 mıllıon teńge qaryz jınalǵan. Bizdiń barmaǵan jerimiz joq. Aýdandyq ákimdikke de, polıtsııaǵa da shaǵym túsirdik. Bútin bir aýyldyń jaryq pen sýsyz tirshilik etip jatqany eshkimdi alańdatar emes. Bizdiń bala- shaǵamyz bar, jaqynda mektep maýsymy bastalady. Emizýli sábıi bar úıler myna aptapta qalaı shydamaq?»,-dedi aýyl turǵyny Aleksandra Belıshko.
Onyń aıtýynsha, budan keıin Vıktor Stolnıkov óz betimen tóraǵalyq orynǵa qaıta jaıǵasqan. Turǵyndardyń berekesin alǵan zalym basshy baıaǵy ánine qaıta basyp, jylý jınaıdy.
«Ótken jyldyń jeltoqsan aıynda baý-baqsha sharýashylyǵy tutynýshylar kooperatıvine Azamat degen jigit tóraǵalyq etti. Oǵan Vıktor Ivanovıchtiń jandaıshaby kelip, aılasyn asyryp kooperatıvtiń qujaty men mórin alyp ketken. Osydan keıin ol ózin jańa qyzmetke saılaǵan. Polıtsııadaǵylar onyń mundaı qylyǵy birneshe ret áshkere bolǵanyn, biraq qandaı da bir shara qoldanbaǵandyǵyn aıtty. Al Stolnıkov bolsa aýyl jurtyn keleke qylyp, aqsha suraýdan arlanatyn túri joq. «Bul jolǵy aqshamyzdy qaıda jibermeksiń?»,-dep suraǵanymyzda, ózine syıǵa alyp jatqanyn ashyqtan ashyq aıtty. Adamdar jylarman kúıde. Biz kommýnaldyq tólemdi óz betimizshe tıisti mekemege ótkizip turǵymyz keledi. Alaıda basshymyz bul iske ózinen basqanyń aralaspaýyn surap, aryz jazyp úlgeripti»,-dedi Aleksandra Belıshko.
Jergilikti bılikke shaǵymdanǵan turǵyndar «Stolnıkovti jónge sala almaımyz» degen jaýap alǵandaryna qynjylady.
Ótegen batyr aýylyna jaýapty Baıserke ákimdigindegiler Vıktor Stolnıkovti shaqyrtqanymen onyń boı kórsetpegenin aıtty.
«Búgin 13 tamyz kúni Vıktor Stolnıkovty qala turǵyndarymen bettestirýge shaqyrǵan edik, kelmedi. Sebebin suraǵanymyzda Talǵar aýdandyq elektr júıesine 632 myń teńge qaryzyn tóleýge barǵanyn aıtyp, aqtaldy. Bizge erteń soǵamyn dedi. Negizinen bizdiń baý- baqsha sharýashylyǵy kooperatıviniń isine aralasýǵa haqymyz joq» ,-dedi Baıserke ákimdigi aýyl sharýshylyǵy bóliminiń bas mamany Arabı Isahmetov.
