Almaty oblysynda 25 jastaǵy jigit joǵalyp ketti
ALMATY. Qazaqparat - Almaty oblysy Taldyqorǵan qalasynyń Eskeldi aýdanyna qarasty Qarabulaq aýylynda 1992 jyly dúnıege kelgen Aıbek Qabdýldanov esimdi jigit joǵalyp ketti. Týystarynyń aıtýynsha, sońǵy 2-3 jylda Almatyda turyp jatqan jas jigit 19 maýsymnan beri baılanysqa shyqpaǵan, dep habarlaıdy «QazAqparat» HAA tilshisi.
Aıbek Almaty qalasynda páter jaldap turǵan. Sońǵy eki-úsh jylda Almaty men Taldyqorǵan qalalarynyń arasynda jıi qatynap júrgen. Almatydaǵy páter ıesi qazirgi ýaqytta Aıbektiń basqa jaqqa kóship ketkenin habarlapty. Joǵalǵan jigittiń nemereles inisi Sanjar Tazabekovtyń aıtýynsha, Aıbek Almatyda 18 maýsymda týǵan kúnin toılaǵan. Al 19 maýsymnan bastap odan týystary habar-oshar ala almaı otyr.
«Qazirgi ýaqytqa deıin Aıbek týraly eshqandaı aqparat ala almaı otyrmyz. Anasyna 2-3 kún saıyn habarlasyp turatyn. Qazir onyń qaıda ekenin bilmeımiz. Ýaqytsha aspaz bolyp jumys atqarǵan. Quqyq qorǵaý organdaryna Aıbektiń joǵalǵany týraly habar bermekpiz», - deıdi Sanjar Tazabekov.
Týystary Aıbekti kórgen-bilgender bolsa 8707 634 6181 nemese 8705 768 3634 nómirine habarlasýdy suraıdy.
Aıan Óribaev
