Almaty oblysynda 24 tabıǵı monopolııa sýbektisi ákimshilik jaýapqa tartyldy
NUR-SULTAN. QazAqpara – Almaty monopolısteri tutynýshylarǵa 1 mlrd. teńgeden asa qarjy qaryz, dep habarlaıdy QazAqparat tilshisi Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń baspasóz qyzmetine silteme jasap.
Baspasóz qyzmeti taratqan aqparattarǵa qaraǵanda, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Almaty oblysy boıynsha departamenti, monopolısterdiń tarıftik smetalar men ınvestıtsııalyq baǵdarlamalardy oryndaý týraly 2019 jylǵy esepterine júrgizilgen taldaý nátıjeleri boıynsha, birqatar buzýshylyqtardy anyqtady.
Aıta ketsek, tarıftik smetalar men ınvestıtsııalyq baǵdarlamalardy oryndamaǵany, sondaı-aq esepterdi usynbaǵany úshin, 24 tabıǵı monopolııa sýbektisi ákimshilik jaýapqa tartylyp, olarǵa 5 401 042 mln. teńge mólsherinde aıyppul salyndy.
Tutynýshylarǵa qaıtarylýy tıis qarjy kólemi – 1, 16 mlrd. teńgeni quraıdy, sonyń ishinde:
- kirme joldar salasynda – 9,83 mln. teńge;
- sýmen jabdyqtaý salasynda – 72,92 mln. teńge;
- sý burý salasynda – 56,77 mln.teńge;
- sýdy arnalar boıynsha berý salasynda – 42,73 mln.tenge;
- elektr energııasyn berý salasynda – 22,23 mln.teńge;
- jylýmen jabdyqtaý salasynda – 954,38 mln.teńge;
«Sondaı-aq, búgingi kúni birqatar tabıǵı monopolııa sýbektilerine qatysty tarıftik smetalardy, ınvestıtsııalyq baǵdarlamalardy oryndamaǵany jáne esepterdi usynbaǵany úshin, tıisti den qoıý sharalary qabyldanýda»,-delingen habarlamada.
