Almaty oblysynda 22 jastaǵy jigit menıngokokk juqpasynan kóz jumǵany anyqtaldy
ALMATY. QazAqparat - Almaty oblysynda menıngokokk juqpasynan 2 adam qaıtys bolǵany anyqtaldy. Olardyń biri 3 jastaǵy qyz bala bolsa, ekinshisi Qarasaı aýdanynyń 22 jastaǵy turǵyny bolyp shyqty. Bul týraly oblystyq Qoǵamdyq densaýlyq saqtaý departamenti QazAqparat tilshisiniń saýalyna jaýabynda málim etti.
Resmı jaýapta Almaty oblysy boıynsha 4 adam menıngokokk juqpasyn juqtyrǵany aıtyldy. Olardyń 2-eýinde juqpa laboratorııalyq turǵydan rastaldy. 4 jaǵdaıdyń 2-eýi Qarasaı aýdanynda tirkelgen.
«Qarasaı aýdanynyń eki turǵynyna menıngokoktsemııa dıagnozy qoıyldy. 15 jastaǵy jasóspirim menıngokokk juqpasynyń generalızdi formasymen aýyryp, jazylyp shyqty. 22 jastaǵy Qarasaı aýdanynyń turǵyny sol juqpadan qaıtys bolyp ketti. Jigit 27 sáýirde aýrýhanaǵa túsip, 28 sáýirde kóz jumdy. Klınıkalyq belgilerine qatysty oǵan menıngıt dıagnozy qoıyldy.
Tirkelgen úshinshi jaǵdaı boıynsha Іle aýdanyndaǵy 8 jasar mektep oqýshysy menıngokokk juqpasynan jazylyp shyqty. Tórtinshi jaǵdaı keshe Taldyqorǵanda tirkeldi. Qaıtys bolǵan 3 jasar qyz balanyń zerthana qorytyndysy áli tekserilý ústinde. ıAǵnı, onda menıngokokk juqpasy klınıkalyq túrde ǵana qoıylyp otyr. Zerthanalyq rastaý áli bolmady», - dedi oblystyq departamenttiń epıdemıologııalyq bóliminiń bas mamany Meıramgúl Kóbeısinova.
Mamandardyń aıtýynsha, qaıtys bolǵan jigit Altyn orda bazarynda baqylaýshy bolyp jumys istegen.
Bas maman naýqastardyń bir-birimen baılanysta bolmaǵanyn aıtty. Qazir epıdemıologtar juqpanyń odan ári taralýyna qarsy keshendi shara júrizip jatyr.
Juqpa oshaǵyn ustap turý úshin naýqas adamdarmen baılanysta bolǵan adamdar anyqtaldy. Barlyǵy oblys boıynsha 85 adam dárigerlerdiń baqylaýyna alyndy.
Oblystyq Densaýlyq saqtaý basqarmasynyń basshysy Baýyrjan Ysqaq halyq arasynda menıngıt aýrýynyń jappaı taralýy joqtyǵyn aıtty.
«Bul karantın jarııalaıtyndaı jaǵdaı emes. Bir jaǵdaıdy estip alyp halyq arasynda shý týyndap jatyr. Áleýmettik jeli arqyly neshe túrli jalǵan aqparat taratylyp jatyr. El arasynda bir apta boıy túsindirý jumystaryn bastap kettik. Biraq dál qazir karantın jarııalaıtyn jaǵdaı emes», - dedi Baýyrjan Ysqaq.
Aıta keter bolsaq, osy kúnderi menıngokokk ınfektsııasynyń taralý ahýaly Almaty qalasynda órship tur. Sońǵy 2 aptada dərigerlerge 57 adam júgingen. Onyń 29-ynda dıagnoz rastaldy. Menıngokokk juqpasynan tórt adam qaıtys boldy. Olar: er adam, áıel adam, bir stýdent jáne 5 jasar bala.
Aıta keteıik, keshe menıngıtten kóz jumǵan 3 jasar balanyń ata-anasy tekserý úshin aýrýhanaǵa jatqyzylǵan edi.
