Almaty oblysynda 22 oqýshy koronavırýstan em qabyldap jatyr
TALDYQORǴAN. QazAqparat - Almaty oblysynda 22 oqýshy koronavırýstan emdelip jatyr. Olardyń tórteýi mektepke baryp júrgen oqýshylar bolsa, qalǵany onlaın oqyp júrip juqtyrǵan, dep dep habarlaıdy QazAqparat tilshisi.
Almaty oblystyq sanıtarlyq-epıdemıologııalyq baqylaý departamenti basshysynyń orynbasary Ashat Sharapıev baspasóz máslıhatynda óńirde epıdemııalogııalyq ahýal qalypty ekenin jetkizdi. Aptalyq ósim 0,2 paıyz. Sońǵy táýlikte 17 adamnan anyqtaldy.
«Іndet juqtyrǵan oqýshylardyń barlyǵy sımptomsyz aýrýlar. Sondyqtan olar úı karantıninde medıtsınalyq baqylaýda jatyr. Olarmen qarym-qatynastaǵy adamdardyń barlyǵy zerttelip, nátıjeleri teris»,- dedi Ashat Sharapıev.
Esterińizge sala ketsek 7 qarashadan Almaty oblysy men Shyǵys Qazaqstan oblysy shekarasynda ıaǵnı Almaty-Óskemen tas jolynyń 601 shaqyrymynda sanıtarlyq beket qoıyldy. Ol jerde tártip saqshylary men medıtsına mamandary oblys aýmaǵyna kirgen-shyqqan azamattardyń dene qyzýyn tekserip, saýalnama jasap, málimetterin tirkeýge kirisken.
