Almaty oblysynda 211 myń gektar jer shegirtkege qarsy dárilenedi

Hımııalyq óńdeý jumystary 20 mamyrda bastalady, dep habarlaıdy QazAqparat tilshisi.

Osy rette  zııankestermen kúres  jumystaryn júrgizetin úsh mekeme tender arqyly tańdaldy. Almaty oblysy ákiminiń orynbasary Serikjan Beskempirovtyń tóraǵalyǵymen ótken semınarda sharýalarǵa keńester de berildi.

"Jańadan shyqqan dáriler tanystyryldy. Olardyń maldarǵa keri áseri bar-joǵy aıtyldy. Barlyǵyn úırendik, kórdik. Jyldan-jylǵa jańa dáriler shyǵyp jatyr.Byltyr synap kórgen hımııalyq zatttardyń  áseri jaqsy boldy", - deıdi Balqash aýdanyndaǵy iri sharýa qojalyǵynyń tóraǵasy Nurbol Jumabek.

Semınarǵa QR Aýyl sharýashylyǵy mınıstrliginiń agroónerkásip keshenindegi memlekettik ınspektsııasy, fıtosanıtarlyq ortalyq pen aýdandardyń aýylsharýashylyq bólimderiniń basshylary men mamandary qatysty. Mamandar kógergendi kókteı soldyrar zııankesterdiń jańa oshaǵy anyqtalǵan jaǵdaıda, der kezinde habar berýdi surap otyr. Olar aldyn alý jumystaryna kirisýge daıyn ekendikterin jetkizdi.