Almaty oblysynda 21 jastaǵy boıjetkennen koronavırýs tabyldy
TALDYQORǴAN. QazAqparat - Almaty oblysynda koronavırýspen aýyrǵan 12-shi naýqas tirkeldi, dep habarlaıdy QazAqparat tilshisi Almaty oblysy əkiminiń baspasóz qyzmetine silteme jasap.
Syrqat - 1998 jylǵy qyz bala, Talǵar aýdany, Aqtas aýylynda turady. Ol koronovırýs ınfektsııasynyń 11-shi jaǵdaıy retinde tirkelgen, KVI analızderi oń nátıje kórsetken Eńbekshiqazaq aýdany Esik qalasynyń turǵynymen baılanysta bolǵan.
12-shi syrqat Eńbekshiqazaq aýdandyq ortalyq aýrýhanasynyń ınfektsııalyq bólimine jatqyzyldy. Onymen baılanysta bolǵan 11 adam anyqtalyp, barlyǵy da karantınge alynǵan.
Atap ótsek, 12 sáýirdegi jaǵdaı boıynsha, Almaty oblysynda koronavırýs ınfektsııasy dıagnozy qoıylǵan bir patsıent emdelip shyqty.
Eske sala keteıik, dál qazirgi sátte Qazaqstanda koronavırýs juqtyrǵan 911 adam bar.
