Almaty oblysynda 206 988 adam koronavırýsqa qarsy vaktsına saldyrdy
TALDYQORǴAN. QazAqparat - Ótken táýlikte Almaty oblysynda 104 adamnan koronavırýs anyqtaldy, - dep habarlaıdy QazAqparat tilshisi.
Sonyń ishinde Taldyqorǵan qalasynda 28 jaǵdaı, Іle aýdanynda – 17, Jambyl aýdanynda – 12, Qarasaı aýdanynda – 11, Panfılov jáne Talǵar aýdandarynda 9 jaǵdaıdan, Eńbekshiqazaq aýdanynda – 7, Sarqan aýdanynda 4 jaǵdaı, Kerbulaq aýdanynda – 3, Balqash jáne Qaratal aýdandarynda 2 jaǵdaı tirkeldi.
Óńir «Jasyl» aımaqqa ótti.
«Aýrýhanalarda 1606 adam em qabyldaýda. Sonyń 46-nyń jaǵdaıy aýyr. 1 táýlikte 79 adam aýrýhanalarǵa em qabyldaýǵa jatqyzyldy. Juqpaly aýrýlar statsıonarlaryndaǵy oryndar 33,4 %-ke tolǵan»,- delingen Almaty oblysy ákiminiń baspasóz qyzmetiniń jarııalaǵan habarlamada.
Ótken táýlikte oblys boıynsha 489 adam koronavırýstan emdelip shyqty.
«Sońǵy 3 kúnde 6423 adamnyń synamalary PTsR zerthanalarda tekserildi. Naýqastarmen qarym-qatynasta bolǵan 118 adam anyqtalyp, barlyǵy úı karantınine jatqyzylyp, medıtsına qyzmetkerleriniń baqylaýyna alyndy.
Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 206 988. Sonyń ishinde ótken kúni ekpe alǵandar sany – 724. Ekpeniń 2-shi komponentin alǵandar sany – 113 858», - dep tolyqtyrdy atalǵan vedomstvonyń baspasóz qyzmeti.
