Almaty oblysynda 200 oqýshy Prezıdent shyrshasyna qatysty
TALDYQORǴAN. QazAqparat - Almaty oblysynda 200 oqýshy Prezıdent shyrshasyna qatysty. Oblystyń túkpir-túkpirinen kelgen balǵyndardy óńir basshysy Amandyq Batalov quttyqtap, jyly lebizin bildirdi dep, - habarlaıdy «QazAqparat» HAA tilshisi.
Úlken ekran arqyly Nursultan Nazarbaevtyń aq tilekterinen qanattanǵan el erteńi qazaqstandyq ónerpazdarmen qatar, ýkraınalyq jáne belarýstik tsırk ártisteriniń qoıylymdaryn tamashalady.
«Búgingi Prezıdenttik shyrshaǵa oblystyń ár túkpirinen keldińizder. Barlyǵyń talantty, aqyldy, úzdik oqýshysyńdar. Eldiń bolashaǵysyńdar, memlekettiń erteńgi tiregisińder. Sol úshin jaqsy oqyp, talapty bolýlaryń qajet. Biz senderge úlken úmit artamyz. Jańa jylda arman-tilekteriń oryndalyp, qýanyshtaryń kóbeıe bersin», - dedi oblys ákimi A. Batalov. 
Aıaz Ata men Aqsha qardy kosmostan kútip alǵan balalar Jańa jyldyq shyrshanyń shamyn jaqty, oıyn oınap, shyrshany aınalyp án saldy. Eski Meshin jylyn shyǵaryp sap, jańa Taýyq jylyn qarsy aldy. Taldyqorǵan qalasyndaǵy «Jastar» sport saraıynda ótken shyrshaǵa daryndy oqýshylar, ata-ana qamqorlyǵynan aırylǵan balalar, áleýmettik jaǵynan az qamtylǵan otbasy músheleri qatysty. Ertegi álemine saıahat jasap, shat-shadyman kúıge engen balalarǵa merekelik syılyqtar tartý etildi. Onyń ishinde kıim-keshekter de bar.
