Almaty oblysynda 20 sanıtarlyq beket qoıylady

ALMATY OBLYSY. QazAqparat - Almaty oblysynda koronavırýstyń taralýyna jol bermeý maqsatynda Almaty qalasynan shyǵa beristerge táýlik boıy jumys isteıtin 16 sanıtarlyq beket ornatylady.

Bul sanıtarlyq beketterde teplovızorlary bar SES mamandary men polıtsııa jasaqtary turatyn bolady. Post arqyly ótetin kólikterdiń barlyǵy dezınfektsııalanady, - dep habarlaıdy QazAqparat Almaty oblysy ákiminiń baspasóz qyzmetine silteme jasap.

Dál osyndaı taǵy 4 beket búgin Taldyqorǵan qalasynyń mańyna qoıylady. Qalaǵa kirgen adamdar arnaıy saýalnama toltyrady, olardyń dene qyzýy ólshenedi. Beketten ótetin árbir azamattyń ózimen birge jeke kýáligin alyp júrýi mańyzdy.

Atap ótsek, oblys aýmaǵyndaǵy respýblıkalyq, oblystyq jáne aýdandyq mańyzdaǵy joldar ashyq, ázirge jabylmaıdy.