Almaty oblysynda 20-dan astam joba júzege asty
TALDYQORǴAN.QazAqparat - Almaty oblysy Kásipkerler palatasynyń qoldaýymen 20-dan astam joba iske asty. Sarapshylar keńes berýden bastap, jer ýchaskelerin alý men jobalardy qarjylandyrýǵa deıin qoldaý kórsetti, dep habarlaıdy QazAqparat tilshisi.
Jobalar ishinde Almaty oblysy Іle aýdanynda bylǵarydan óndiriletin aıaq kıim fabrıkasyn salý bar. Óńirlik kásipkerler palatasynyń qoldaýymen «Bereke» ındýstrııalyq aımaǵynan 1 ga jer ýchaskesi alyndy. Qazirgi tańda qurylys-montajdaý jumystary júrgizilýde. Sonymen qatar Óńdeý ónerkásibiniń basymdyqqa ıe jobalaryn nesıeleý baǵdarlamasy boıynsha 1 mlrd teńge kóleminde qarjy tartý josparlanǵan. Bolashaqta joba 140 jańa jumys ornyn ashýdy qarastyrýda. Sondaı-aq óńirlik kásipkerler palatasy sarapshylarynyń súıemeldeýimen «Lepsınsk ónimderi» JShS 330,5 mln teńge kóleminde granttyq qarjylandyrýdy alý maqsatynda «Tehnologııalyq damý jónindegi ulttyq agenttik» AQ baǵdarlamasyna qatysty. Bul qarajatqa «Easy Snap» ıtalııalyq jabdyq alý kózdelgen. Ótinimdi qaraý nátıjesi 2019 jyldyń aqpan aıynda belgili bolady. Buǵan qosa SHINA INTERNATIONAL IMPORT EXPO ımportty taýar halyqaralyq kórmesine qatysyp, kásiporyn sheteldik seriktesterdi taýyp, Qytaıǵa baldy eksporttaýdy bastap ketti.
«Biz bıznes ókilderin saýda-ekonomıkalyq mıssııalar, halyqaralyq salalyq is-sharalarǵa belsendi qatysýǵa shaqyramyz. Almaty oblysynyń 20-ǵa jýyq kásiporyn 10 halyqaralyq kórme men konferentsııaǵa qatysty», - dedi Almaty oblysy ÓKP bólim bastyǵy Dana Jambolatova.
