Almaty oblysynda 20 bilim berý nysany jańartylady
Almaty oblystyq bilim basqarmasy ótken jyly atqarǵan jumysyn qorytyndylap, aldaǵy josparlaryn jarııalady.
Jalpy ótken jyly, 18 mektep kúrdeli jóndeýden ótken bolatyn, buǵan qazynadan 8,3 mlrd. teńge bólindi.
«2021 jyly óńirdegi 8 memlekettik jáne 7 jekemenshik mektep iske qosyldy. Sondaı-aq, bilim kúni qarsańynda Panfılov aýdany Aqqudyq aýylynda apattyq mekteptiń ornyna 120 oryndyq jańa mektep paıdalanýǵa berildi.
Mektep qurylysyn júrgizýdegi basty maqsat-úsh aýysymdy oqytýdy joıý. Bul maqsatta Іle, Qarasaı, Talǵar aýdandarynda 7 joba josaparlanyp, 6-ýy engizildi. Aıta keteıik, Qarasaı aýdany Úshterek aýylyndaǵy 600 oryndyq mekteptiń qurylysy kelisimshartqa sáıkes 2022 jyldyń naýryz aıynda aıaqtalady dep kútilýde»,- delingen vedomstvonyń habarlamasynda.
Búginde Taldyqorǵan mýzyka kolledjine arnalǵan 100 oryndyq jataqhana qurylysynyń jumystary júrip jatyr, sonymen qatar, Qaratal aýdany Úshtóbe qalasyndaǵy jańadan salynyp jatqan gýmanıtarlyq kolledjge arnalǵan 30 oryndyq jataqhana qurylysyn salý sharty jasalýda. Talǵar agrobıznes jáne menedjment kolledjiniń 112 orynǵa jataqhanasyn rekonstrýktsııalaý jospralanýda.
Bıyl Almaty oblysynda 17 metkep, 2 kolledj, 1 balabaqsha uzyn-sany 20 bilim berý nysanyna kúrdeli jóndeý júrgizý josparlanýda, buǵan 10.8 mlrd.teńge qarastyryldy.