Almaty oblysynda 2,5 tonna balyq tərkilendi
TALDYQORǴAN.QazAqparat - Almaty oblysynda sońǵy on kún ishinde ustalǵan brakonerlerden 2,5 tonna zańsyz aýlanǵan balyq tárkilendi. 113 zańbuzýshylyq anyqtalyp, 33 fakti boıynsha qylmystyq óndiris qozǵaldy, dep habarlaıdy QazAqparat tilshisi.
Ustalǵan tulǵalardan 10 birlik atys qarýy tárkilendi, onyń 2-ýi zańsyz bolyp shyqty.
Anyqtalǵan faktilerdiń ishinen polıtsııa qyzmetkerleri Alakól aýdanynda bolǵan qylmystyq isti ereksheledi.
Alakól aýdanynyń taýlarynda tabıǵatty qorǵaý polıtsııa bóliminiń qyzmetkerleri Almaty qalasynyń turǵyny basqaryp kele jatqan «Toıota Lend-Krýzer» avtokóligin toqtatty. Avtokóliktiń júk salǵyshynan bólshektengen sibir taýeshkisiniń denesi jáne tirkelmegen ańshy qarýy tabyldy. Jabaıy janýardy atýǵa arnalǵan qandaı da bir ruqsat qaǵazdy er adam kórsete almaǵan. Osyǵan baılanysty, zańsyz ań aýlaý fakti boıynsha qylmystyq is qozǵaldy. Zańnamaǵa sáıkes memleketke keltirilgen zalal quny 340 myń teńgeni quraýda.
Shara barysynda baǵaly aǵashtar men butalardy zańsyz kesýdiń 30 faktisi anyqtaldy. 8,26 kýbmetr aǵash tárkilendi, onyń ishinde 2,98 tekshe mertri Qazaqstanda kesýge qatań tyıym salynǵan sekseýil bolyp shyqty.
