Almaty oblysynda 2,2 mln turǵyn sanaqtan ótti
Qyrkúıektiń basynan qazannyń 15-ine deıin halyq sanaǵy «Sanaq.gov.kz», «egov.kz» saıttary men «Aitu» qosymshasynda ótti. Jalpy onlaın sanaqqa jetisýlyq 806,2 myń turǵyn, oflaın saýalnamaǵa 1 mln 380,7 myń adam qatysty.
«Sanaq júrgizý úshin barlyǵy 2978 adam qamtyldy. Olardyń barlyǵy vırýsqa qarsy vaktsına alǵan. Halyq arasynda úgit-nasıhat jumystary júrgizilip, 429 banner ornalastyryldy, 36,9 myń únparaq taratyldy. Oblystaǵy halyqtyń sany 2 mln 95,3 myńdy quraıdy. Olardyń 2,2 mln sanaqqa qatysty», - deıdi Almaty oblysy Ekonomıka jáne bıýdjettik josparlaý basqarmasynyń bastyǵy Jomart Ámirhanov.
Aıta keteıik, sanaqtan ótýde Talǵar aýdany 127 paıyzben kósh basynda tur. Al 123 paıyz kórsetkishpen ekinshi orynda – Іle, 111 paıyzben úshinshi orynda Qarasaı aýdany ornalasqan.
QR Strategııalyq josparlaý jáne reformalar agenttiginiń Almaty oblysy boıynsha Ulttyq statıstıka bıýrosy departamenti basshysynyń orynbasary Marat Bókenovtiń aıtýynsha, Taldyqorǵan, Qapshaǵaı jáne Tekeli qalalary turǵyndarynyń sanaqqa qatysý belsendiligi tómen.
Esterińizge sala keteıik, Qazaqstanda 1 qyrkúıek – 30 qazan aralyǵynda jalpy ulttyq halyq sanaǵy ótip jatyr.
