Almaty oblysynda 19 oqýshydan «COVID-19» anyqtaldy
TALDYQORǴAN. QazAqparat - Almaty oblysynda sońǵy táýlikte 370 adamnan koronavırýs anyqtaldy. Onyń ishinde 19 oqýshy bar, - dep habarlaıdy QazAqparat tilshisi.
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatqa sáıkes, óńirde vırýstyń taraý qarqyny – 1,0%, onyń ishinde 326 sımptomdyq, 44 sımptomsyz jaǵdaı.
KVI anyqtalǵan 370 jaǵdaıdyń 36-sy 14 jasqa deıingi balalar arasynda tirkelgen, al oqýshylar arasynda 19 jaǵdaı anyqtaldy.
Oblys aýdandary arasynda koronavırýs juqtyrý kórsetkishi: Balqash–8, Eńbekshiqazaq-15, Eskeldi–15, Jambyl–23, Іle-12, Qarasaı-22, Qaratal-9, Kerbulaq-7, Kegen-9, Kóksý-9, Panfılov–17, Sarqan-7, Talǵar–36, Uıǵyr–10, Taldyqorǵan–155, Tekeli-16.
Sondaı – aq, búgingi kúnge deıin 29 555 patsıent aýrýhanadan jazylyp shyqty. Sońǵy táýlikte statsıonardan 50 patsıent jáne úı oqshaýlaýynan 215 adam shyǵaryldy. Barlyǵy ınfektsııalyq aýrýhanada - 617 adam jatyr, aýrýhana tolymdylyǵy - 44,1%.
Aıta keteıik, 618 034 adam ekpeniń birinshi bóligin alsa, 482 437 turǵyn ekinshi ret vaktsına alyp úlgergen. Negizinen, jyl basynan beri Almaty oblysyna vaktsınanyń 1 komponentinen 679 255 dozasy kelip túsken bolatyn.
