Almaty oblysynda 18 páterdi tonaǵan urylar ustaldy
ASTANA. QazAqparat - Qarasaı aýdandyq polıtsııa qyzmetkerleri Almaty mańyndaǵy saıajaılarda bolǵan birneshe tonaýshylyqtardy anyqtady, dep habarlady Almaty oblysy ІІD baspasóz qyzmeti.
Qylmystyq is materıaldarynda kúdikti páter tonaýshy eki azamat jeke ıeliktegi úıler men saıajaılardy tonaǵan.
«Atalǵan eki kúdiktiniń bir-birine qatysy joq jáne ekeýi eki ýaqytta ustaldy. Olardyń bireýi buǵan deıin birneshe ret sotty bolǵan, al ekinshisi qylmystyq jaýapkershilikke tartylyp kórmegen. Bireýiniń 10 tonaýshylyqqa qatysy bary dáleldense, ekinshisi ázirge 8 qylmystyq iske qatysty dep aıyptalyp otyr», - dep málim etti Almaty oblystyq polıtsııa qyzmetiniń resmı ókili Kóbeıhan Nurahmet.
Polıtsııa qyzmetkerleri olardyń osyǵan uqsas basqa da qylmystyq áreketterge qatysy baryn tekserýdi jalǵastyryp jatyr. Budan ózge, urlanǵan zattardy satyp alýshy jáne ótkizýshi retinde shyqqan tulǵalardy da jaýapkershilikke tartý máseleleri qarastyrylýda», - deıdi polıtsııa qyzmetkerleri.
