Almaty oblysynda 17 jastaǵy qyzdy óltirdi degen kúdikti ustaldy
TALDYQORǴAN. QazAqparat - Almaty oblysynda 17 jastaǵy qyzdy óltirdi degen kúdikti ustaldy. Qazir 1982 jylǵy azamat temir torǵa qamaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, tergeý amaldary júrip jatyr. Kúdiktiden bolǵan oqıǵanyń mán-jaıy surastyrylýda.
Esterińizge sala keteıik, «Asyl Arman» turǵyn úı keshenindegi kópqabatty úıdiń páterinen máıit tabylǵan bolatyn. Qaıǵyly jaǵdaı 1 sáýir kúni boldy. Qaskóıdi ustaý júmystary 3 sáýirge deıin jalǵasty. Keı aqparat kózderine qaraǵanda, boıjetkendi óziniń jezdesi óltirýi múmkin. Aldymen zorlap, artynsha óltirgenge uqsaıdy. Qazir atalǵan jantúrshigerlik jaǵdaı boıynsha sot-medtsınalyq saraptama taǵaıyndaldy. Sotqa deıingi tergeý sharalaryn Qarasaı aýdandyq ІІB polıtseıleri júrgizýde.
