Almaty oblysynda 17 jastaǵy bala ishimdik iship, kólik apatyna tústi
TALDYQORǴAN. QazAqparat - Almaty oblysynda 17 jastaǵy bala ishimdik iship, kólik apatyna tústi, - dep habarlaıdy QazAqparat tilshisi.
Oqıǵa Qaratal aýdanynyń ortalyǵy Úshtóbe qalasynda boldy.
«25 mamyr kúni saǵat 22:10 shamasynda 17 jastaǵy «Aýdı» kóliginiń júrgizýshisi mototsıklge soǵylǵan. Ekinshi kólikti 20 jastaǵy Taldyqorǵan qalasynyń turǵyny tizgindegen. Jol kólik apaty saldarynan mototsıkldiń 20 jastaǵy jolaýshysy zardap shekti. Ol Úshtóbe qalasyndaǵy aýrýhanaǵa jetkizildi. Anyqtalǵandaı, «Aýdı» kóliginiń kámelettik jasqa tolmaǵan júrgizýshisi orta deńgeıde ishimdik ishken. Qazir osy fakti boıynsha anyqtaý jumystary júrip jatyr»,- dep málimdedi Almaty oblystyq Polıtsııa departamentiniń baspasóz qyzmetinen.
