Almaty oblysynda 17 adam qyzylshamen aýyrǵany rastaldy
TALDYQORǴAN. QazAqparat - Almaty oblysynda 17 adamnyń qyzylsha aýrýyna shaldyqqany rastaldy. Bul týraly oblystyq Qoǵamdyq densaýlyq saqtaý departamentinen habarlandy.
2018 jyldyń 1 qarashasynan bastap búgingi kúnge deıin bastapqy dıagnozben qyzylsha aýrýyna shaldyǵýdyń 39 oqıǵasy tirkelgen, sonyń ishinde 14 jasqa deıingi 35 bala bar. Naýqastardyń barlyǵy zerthanalyq tekserýden ótip, aýrýǵa shaldyǵýdyń 17 oqıǵasy (46 paıyz) rastaldy, sonyń ishinde alty adam - bir jasqa deıin ekpe jasalmaǵan balalar, úsheýine densaýlyq jaǵdaıyna baılanysty ekpe jasalmaǵan, taǵy ekeýi - ekpeden bas tartqandar», - dep túsindirdi vedomstvodan.
Bastapqy dıagnoz qoıylǵan barlyq oqıǵalar boıynsha epıdemıologııalyq tergeý jáne epıdemııaǵa qarsy is-sharalar júrgizilip jatqany atap ótiledi. Naýqastarmen baılanysta bolǵan 932 tulǵa medıtsınalyq baqylaýǵa alyndy. Іndet oshaqtarynda epıdemıologııalyq kórsetkishter boıynsha 76 adamǵa vaktsına egildi, epıdemııaǵa qarsy sharalar jalǵastyrylýda.
«Búginde indettiń aldyn alyp, onymen kúres júrgizýdiń eń qoljetimdi ári tıimdi ádisi - vaktsına egý. Profılaktıkalyq ekpe jasaý Ulttyq kúntizbesine sáıkes, balalarǵa qyzylsha aýrýyna qarsy ekpe 12 aıynda, sosyn 6 jasynda qaıta jasalady. Qalyptasqan ımmýnıtet bul dertten qorǵap, nemese, juqtyrǵan jaǵdaıda onymen jeńil túrde, asqynýsyz aýyrýǵa kómektesedi», - dep baıandady oblystyq QDSD-nen.
