Almaty oblysynda 17,4 mlrd teńge tıimsiz ıgerilgen
«Esep komıtetiniń 2016 jylǵa arnalǵan aýdıtorlyq sharalardyń tizimin bekitý aıasynda, 2016 jyldyń 7 qarasha men 15 jeltoqsan aralyǵynda Almaty oblysynda bıýdjettik qarajatty ıgerýge qatysty memlekettik aýdıt júrgizildi. Aýdıt nátıjesi boıynsha, 17,4 mıllıard teńge somanyń qarjylyq buzýshylyqtary anyqtaldy. Bıýdjettik qarajatty tıimsiz ıgerý - 12,8 mlrd teńge, sonymen qatar 27,5 mlrd. teńgege 54 protsedýralyq qatelikter oryn alǵan», - dep atap ótti ol Astanada Esep komıtetiniń otyrysynda.
Onyń málimetteri boıynsha, aýdıtke jalpy 2015 jyly jáne 2016 jyldyń 9 aıynda respýblıkalyq bıýdjetten bólingen 38,9 mlrd teńgege júzege asyrylyp jatqan aımaqtaǵy 21 nysan ilikken. Sonymen qatar 28,3 mlrd teńge qarajat taldanǵan.
«Almaty oblysyna bólingen respýblıkalyq bıýdjet qarajatyn paıdalanýda júıeli olqylyqtar oryn alǵan, maqsatty transfertterdi ıgerý barysynda ákimshilik tarapynan monıtorıng pen baqylaý tıisti deńgeıde júrgizilmegen», - deıdi T.Jaqan.
Esep komıteti múshesiniń aıtýynsha, aýdıt kezinde merdigerlerdiń qurylys-montajdaý jumystaryn júrgizý jáne taýarlardy jetkizý esebinen, sondaı-aq býhgalterlik esep pen eseptilikti jónge keltirýdiń arqasynda bıýdjetke 10,8 mlrd teńge qaıtaryldy.
«Ákimshilik óndiristi qozǵaý úshin zań buzýshylyqtardyń 5 faktisi boıynsha materıaldar tıisti atqarýshy organdarǵa joldandy. Barlyq bes fakti boıynsha laýazymdy tulǵalar ákimshilik jaýapkershilikke tartyldy. Sonymen birge Almaty oblysy ákimdigi bıýdjettik jáne ózge zańnamany buzýǵa jol bergen 13 laýazymdy tulǵaǵa qatysty tártiptik jaza qoldandy», - dep atap ótti T.Jaqan.
