Almaty oblysynda $165 mln kartop óńdeý zaýyty salynady
Astanada «Kazakh Invest» UK-da nıderlandyq Farm Frites kompanııasynyń basshylary Saımon Kýıst pen Ios den Boer QR Premer-Mınıstriniń orynbasary - aýyl sharýashylyǵy mınıstri Ómirzaq Shókeev, ınvestıtsııalar jáne damý vıtse-mınıstri Arystan Qabykenov jáne «Agrarlyq nesıe korporatsııasy» ókilderi men Almaty oblysynda kartop óńdeý zaýytyn ashý máselesi boıynsha birqatar kezdesý ótkizdi.
Memleket basshysynyń óńdeý sektoryna on transulttyq kompanııany tartý boıynsha bergen tapsyrmasyna sáıkes, Kazakh Invest Farm Frites kompanııasynyń «Kartop óńdeý zaýytyn salý» ınvestıtsııalyq jobasyn súıemeldeıdi.
Ótken jyly Farm Frites kartop surypyn synaý jumystaryn júrgizdi jáne jobany iske asyrý aımaǵy retinde Almaty oblysy anyqtaldy. Qazirgi tańda Kazakh Invest jer telimin alýǵa jáne basqa da konsaltıngtik qyzmetterdi berý arqyly kómek kórsetip jatyr.
Osylaısha, jylyna 70 myń tonna elıtalyq kartoptyń 11 surypyn ósirýge arnalǵan ortalyq salý kózdelgen. Zaýyt qurylysy 2019 jyldyń sáýir aıyna josparlanǵan. Jobanyń jalpy quny - $165 mln.
Atalǵan máselelerdi «Kazakh Invest» UK» AQ basqarma tóraǵasy Saparbek Tuıaqbaev ınvestıtsııalyq jobanyń qazaqstandyq seriktesi retinde qyzmet kórsetetin «Eurasia Gold» JShS-men ótken kezdesý barysynda talqylaǵan.
Aıta keterligi, Farm Frites kompanııasy 1971 jyly Nıderlandyda tońazytylǵan jáne salqyndatylǵan kartop ónimderin shyǵaratyn otbasylyq kásiporyn retinde qurylǵan. Transulttyq kompanııada álemniń 40 elinde satý ofısteri jáne 1 500 qyzmetkeri bar 6 zaýyty qyzmet kórsetedi. Kartopty óńdeý jylyna 1,3 mln tonnany quraıdy. Kompanııanyń zaýyttary men satý ofısteri álemniń 80 eline ónimderdi eksporttaýǵa múmkindik beredi. Marka Eýropadaǵy úsh iri eýropalyq óndirýshilerdiń biri.
Eske sala ketsek, Kazakh Invest Memleket basshysynyń tapsyrmalaryn oryndaý aıasynda Dúnıejúzilik bankpen birlesip 2018-2022 jyldarǵa arnalǵan Ulttyq ınvestıtsııalyq strategııany ázirledi. Jumys úsh baǵyt boıynsha júzege asyrylady: ınvestıtsııalyq ahýaldy jaqsartý; tıimdi operatsııalyq sharalardy iske asyrý jáne ınvestıtsııalardy tartýdyń jańa tásilderin ázirleý; jekeshelendirý jáne MJÁ.
