Almaty oblysynda 1600-den asa jas maýsymdyq jumysta eńbek etti
TALDYQORǴAN. QazAqparat - Bıyl «Jasyl el» jastar jasaǵynyń Almaty oblysy boıynsha fılıalynda 1695 jas maýsymdyq jumysta eńbek etip, tabys tapty. Olar eki aı kóleminde shóp shaýyp, qoqys tazalap, aǵash sýǵaryp, aryqtardy qoqystan tazalady, dep habarlaıdy QazAqparat tilshisi.
«Jasyl el» jastar eńbek jasaqtarynyń Almaty oblystyq fılıaly XIV maýsymdyq eńbek jumysyn maýsym aıynan bastady. Bir aı kóleminde Almaty oblysy boıynsha 669 adam jumyspen qamtylǵan.
«Olardyń ishinde 13 múmkindigi shekteýli jan, 23 jetim jáne jartylaı jetim, 56 jaǵdaıy tómen otbasylardan jáne kóp balaly otbasynan shyqqan 69 jas jumyspen qamtyldy. Bir aıdyń ishinde jasaqshylar 367 ga shóp shaýyp, 124,4 t qoqys jınap, 100,2 km sýarý aǵyndary tazartqan jáne 5206 aǵash sýǵarǵan bolatyn.Aǵymadaǵy jyldyń shilde aıynda 1031 jasaqshy jumys istedi. Eki aı kóleminde jasyl eldiń Almaty oblystyq fılıalynda, aýdandarda jáne aýyldyq okrýgterinde 1695 jumyssyz jastar eńbek etti», - delingen atalǵan vedomstvanyń taratqan resmı málimetinde.
Esterińizge sala keteıik, «Jasyl el» baǵdarlamasy N.Á.Nazarbaevtyń «Qazaqstan ekonomıkalyq, áleýmettik jáne saıası jedel jańarý jolynda» Joldaýy negizinde 2005 jyldan bastap júzege asyrylyp keledi.
