Almaty oblysynda 16 jastaǵy aıaǵy aýyr boıjetken kólik apatyna tústi
TALDYQORǴAN. QazAqparat - Almaty oblysynda 16 jastaǵy boıjetken kólik apatyna tústi. Ol Talǵar aýdandyq aýrýhanasyna jetkizildi, dep habarlaıdy QazAqparat tilshisi.
«2003 jyly týǵan naýqastyń jaǵdaıy qanaǵattanarlyq. Ol júktiliktiń 2-3 aptasynda. Dárigerlerdiń qaraýynan keıin, aýrýhanaǵa jatýdan bas tartty. Ambýlatorııalyq jaǵdaıda em qabyldaıtyn bolady», - dedi Almaty oblystyq Densaýlyq saqtaý departamenti baspasóz qyzmetiniń ókili Láılim Áýbákirova.
Aldyn-ala málimet boıynsha, Qyzyl Qaırat aýlynan shyǵa beriste jedel járdem kóligi jol talǵamaıtyn avtokólikpen soqtyǵysqan. Oqıǵanyń mán-jaıy anyqtalyp jatqandyqtan, aıaǵy aýyr boıjetkenniń naqty qaı kólikte bolǵany ázirge belgisiz.
Kýágerlerdiń aıtýynsha, bul aımaqta kólik apaty jıi bolyp turady. Munyń sebebi - eskertý belgileriniń joqtyǵy jáne keptelisterdiń saldarynan júrgizýshiler qarsy baǵytqa shyǵyp ketedi eken.
