Almaty oblysynda 16 polıtseı «Halyq alǵysy» medalin ıelendi
TALDYQORǴAN. QazAqparat - Almaty oblysynda 16 polıtseı «Halyq alǵysy» medalin ıelendi, dep habarlaıdy QazAqparat tilshisi.
Almaty oblysy Polıtsııa departamenti baspasóz qyzmetiniń málimetinshe, jahandy jaılaǵan koronavırýs indetine qatysty pandemııa kezinde tártip saqshylary blokpostarda táýlik boıy kezekshilikke túsip, karantındik aımaqtardyń buzylmaýyn qadaǵalap, naýqastarmen baılanysta bolǵan adamdardyń ornalasqan jerin anyqtady. Táýlik boıy óz otbasylarynan jyraqta qyzmet atqardy, ózderine bekitilgen aýmaqta karantın talaptarynyń qatań saqtalýyn profılaktıkalyq tekserýdi turaqty júzege asyrdy. Sonymen qatar, qylmystardy ashyp, quqyq buzýshylar men qylmyskerlerdi ustady.
Marapatqa ıe bolǵandar qatarynda ýchaskelik polıtsııa ınspektorlary, ıývenaldy polıtsııa tobynyń kámeletke tolmaǵandardyń isteri jónindegi ýchaskelik polıtsııa ınspektorlary, patrýldik polıtsııa batalonynyń ınspektorlary, Taldyqorǵan QPB patrýldik polıtsııa rotasynyń ınspektorlary, ýaqytsha ustaý ızolıatorlarynyń qyzmetkerleri, JPQB qoǵamdyq tártipti jáne jol qaýipsizdigin qorǵaýdy qamtamasyz etý tobynyń ınspektorlary bar.
Kúrdeli vırýstyq-epıdemıologııalyq jaǵdaıdy eskere otyryp, marapattardy qyzmet kórsetý oryndaryndaǵy basshylar tabys etti.
