Almaty oblysynda 157 qarý zańsyz aınalymnan shyǵaryldy
TALDYQORǴAN. QazAqparat – Ótken jyly Almaty oblysynyń polıtsııa qyzmeti 157 atys qarýy men 615 oq-dárini zańsyz aınalymnan shyǵardy, dep habarlaıdy QazAqparat tilshisi.
«Onyń basym bóligi - tegis uńǵyly qarýlar, biraq tárkilengen qarý arasynda 5 «ıir oıyqty» myltyq pen 1 granata bar. Ár fakti boıynsha tergeý aıaqtalǵannan keıin tárkilengen qarýlar qaıta balqytýǵa jiberiledi», - dep habarlady Almaty oblystyq PD Azamattyq jáne qyzmettik qarý aınalymyn baqylaý bóliminiń bastyǵy ıÝrıı Pak.
Sońǵy ret zańsyz qarý 1 qańtarda Taldyqorǵanda tirkeldi. Patrýldik polıtsııa qyzmetkerleri «BMV» kóligin tekserý kezinde sholaq myltyq, 16 kalıbr, tirkeý nómiri joq gaz revolverin tárkiledi.
«Qazir 19 jastaǵy kólik júrgizýshisine qatysty QR QK 287-baby (Zańsyz qarý saqtaý) boıynsha tergeý júrip jatyr. Tárkilengen qarý saraptamaǵa jiberildi», - dep atap ótti oblystyq departament baspasóz qyzmetinen.
2019 jyly óńirde turǵyndardan qarý satyp alý aktsııasy ótkizilip, oǵan bıýdjetten 6,5 mln teńge bólingen. Aktsııa barysynda tártip saqshylaryna 97 adam habarlasyp, 147 qarý men 610 patron ótkizgen.
